The Devil's Dictionary
Kabesa di kambrang-kambrang;
yo sa song mas kumpridu kung altu di yo sa mang
lagreza, mas yo inda sabeh klai pegah langgiang
di saiki:
kortah palabra justu pra fendeh
tudu angkoza malisozu di jenti
suzu. Jenti nenang fikah limpu
pra ganyah onsong sa destinu sa amizadi.
Pra skribeh onsong sa presu di bontadi
dretu. Pra mostrah
na bos sa butika sa janela kung almari.
Fudeh kung bos?
Kifoi?
Yo sabeh ki yo teng yo sa special sos
mas bos nteh otru jenti kereh tokah bos sa floi?
Isti poesia ngka pra nus,
pra bos kung yo sa bendeh. Kauzu bos nteh doi
na dinyiru di mundu rentu.
Bos kung yo tokah naseh na mil singkusentu
onzi, mas bos nadi kereh prendeh
klai abrih boka, falah
“choi! Yo ngka filu rayu.”
Isti yo ja falah kung bos kadangua dia nubu
bos ja beng insinyah lisang-lisang kung bos.
Mas bos mas besta di tudu mundu sa choka, sa pesi, sa kanggrezu:
bos lembrah bos justu ngua kasang hierosa uniku,
justu gostah kumih bredu.
Sayang, yo mistih dah klareza kung bos:
karnipalabra sa chang mutu mas fundu.