Kereh bos sa presu,
Bos sa meza kung kadera, mesu
bos sa flamethrower mutu tantu grandi, mutu tantu di besu
ja dah ngua boka di riska super-stretu.
Yo ngka bos sa tempu di komesu,
ke friu, ke di hantu.
Yo ja tokah dah mutu tantu spantu
antis kereh ngua sorti di lisang-lisang nubu.
Ngua korsang mas keninu.
Ngua stori mas dretu
di isti troza di ropa malisozu.
Abrih labamezi, bai pra diabu!
Yo sa song kung sal kereh cherah di ki-ki jenti lembrah
agora ja fikah, mbes pra mbes
sabrozu.
Yo desah sol beng naki.
Yo desah bos sa sol, kung tudu
eli sa altura rayu,
eli sa andasang seku,
eli sa brasu kung perna asadu.
Susegadu? Yo?
Nenang fikah.
Pra prendeh kriseh chuma liang,
nteh tempu pra skribeh ngua poesia
di klai andah seng ingkontrah akeli malisang,
akeli ladrang,
akeli kupaisang
di trumenteza. Di ngua pang
tristi, ngua sonu
kenti,
ngua strelafamilia
sempri ta truseh, kung balah, kung birah,
menus, kung menus, kung menus grandi.
Pra olah strela uniku bong-bong,
numistih drumih bong-bong,
nada kadangua anoti.