Bos ja beng lonzi,
linggu keninu di ngua tera inda
fikah mutu tantu formi,
pra ngua sonu nubu. Pra drumih
bong-bong, pra kauzu di
andah, kung gritah
pradianti.
Pra dianti sa futura,
ki tudu pun podih
olah na spelu di mar na rentu. Sidadi
sa lisang-lisang
nadi parah. Trindadi
sempri nubu ta komesah,
tona kung tona kung tona
ati chegah
amiang, ati birah
bai ngua mundansa ki undi
tudu sa kumiria
ngua fruta di fortidang.
Tudu ja tokah mureh
logu bibeh nubu. Na fora di kasang-kasang
di ngua tera, kung ngua gobernu,
inchidu di armasang
kung lembransa ngka mutu bong.
Bos ja prendeh ki pra papiah dretu,
pra dah ngua kunisemintu sertu,
justu kereh ngua song di singsong
sa peskisa sa plontah. Sa fazemintu pra alkansah.
Kodrah Kristang?
Yo kodrah ngua mundu, ngua semesta
ngua stori di pasadu, futura, ozindia na isti strelapedra Karimang.
Na tudu dia
ki logu pasah
yo sperah bos sabeh
klai soletrah nomi teng na fundeza
di bos onsong sa korasang:
komesah kung letra
otru ja pintah
na fora di bos sa korua,
Singapura nubu sa
reinyang-reinyang.
No posts