Isti yo ja falah pra tantu tempu:
impodih sibrih Kristang na ngua Papiasang. Na ngua diskursu
mas kumpridu di dos-dos palabra. Di ngua sintidu keninu
kung konsisu. Nggeh otru jenti prendeh klai skribeh nubu
na isti letra kriolu.
Soletrah ngua nomi ki bai andah na kaminyu skuru
undi nus ja ntarah
otru letra. Otru karta.
Otru sabia di otru strelapedra, otru mundu-mundu
ja fikah mutu tantu bela, pra kriseh nubu.
Diski bos kereh impoku mas binyu.
Jenti Kristang sempri teng tempu
pra fikah impoku mas
tokadu.
Impoku mas
kemadu.
Numpodih olah ki nus ja skundeh na basu
di bos sa kadera; kora bos kai na tensang, bai olah seng kauzu—
na akeli sigundu—koitadu—
bos sa korua logu pedreh, na mar sa fundu.
Bos sa korsang logu incheh, kung matra sa agu
suzu. Bos sa mulera logu fuzeh,
bai banda mutu lonzi.
Bai kumih bentu
pra tudu anoti. Tudu dia.
Tudu sorti-sorti di eternu.