Bai na mar sa basu, bagah-bagah fundu:
diseh kung kriseh, seng midu, seng tudu
ta kereh furtah di bos sa barku mergulah; isti mufinu
ngka sabeh klai karu podih ganyah, sertu,
ngua mulera di Inundansa prumiru.
Alma Atlanteanu.
Korsang Kuloseru.
Song di Sundaland, kung
Firida Fogosa.
Chuwafogu na korpu sa sentru sempri ta chispah,
nubu kung brangku, tadri kung laranja.
Yo sai di mar mas sedu;
bos mistih aguentah
ati chegah na akeli ila sa bodru,
undi-undi tudu perdidu ta nadah.
Largah tudu na rentu di ranchu ta balah.
Isti istoria numpodih logu sabeh ki bos podih kontah
ati bos birah kastigu antigu presizu,
abrih boka, sibrih astrang forsa pra falah:
Subih, siara-siuris, subih.
Batih mang.
Spektala ja kabah.