Na braga, olotu chapah kung yo,
Pertu-pertu, kung kara pintah kung sanggi di tristeza;
Ki olotu ta falah kung yo?
Nus ngka —
Ngka mal. Ngka tokah bragah.
Klai yo podih konfiah?
Na infernu, jenti podih konfiah kung tudu ta santah, tudu ta impeh
dador undi bos ja tokah pegah;
gayola sa paredi podih olah na mparti bos kereh olah.
Klai bos olah seng olu?
Yo pun ngka sabeh;
klai bos papiah seng linggu?
Isti numistih pidih
Kauzu gayola sempri ta balah,
sempri ta trimih kung forsa di Deus sa lembransa.
Kauzu padri-padri pun podih fikah brigador,
Pun podih fikah matansa.
Slavenburgh sa otru nomi
doi,
damar di machu sa lagri,
altura.
Kung yo? Yo sa otru korpu ja fikah
podri,
onsong,
Duensa.
No posts