Marzia Martensiya
Impeh altu, Sinyor di Paya,
Sinyor di tudu jenti ja largah bai na fora.
Bai na rentu di matu, pra skundeh olotu sa kaza
di rentu, di monstru-monstru di pesua
sa mang lagreza. Sa mang kereh danah kung
nusenti kung kada kultura sa krengkrensa.
Makaravedra di Mundansa Hierosa, impeh altu.
Makaravedra Martensiya, bos sa korpu pun ja tokah danah
kung mutu tantu forsa.
Klai bos nenang mureh?
Klai bos ja gadrah kontra olotu sa prubasang di fendeh
bos sa diamatra di bos sa korpu. Klai bos intindeh klai dibinyah
klai bos nadi mureh
di ngua atakah di exallos sa barku ta labeh
pradianti langgah kung bos sa
korpu tamanyu, Kevin Martens Wong.
Korpu di prumirang.
Korpu di tudu nteh onsong sa song;
juntadu nus fikah mas di olotu sa amiang.
Juntah kung tudu
nus podih skribeh ngua stori inchidu di afesang
dretu. Inchidu di kupaisang ki dah forsa di futura nubu.
Impeh altu, Makaravedra bemfetu,
Sinyor di Paya ta birah pra agora, pra sertu.
Isti bos, kung tudu sa tera.
Isti bos, kung tudu sa mundu.