Impodih. Skizbi ngka gostah
bos sa kara; eli kereh otru jenti
sabeh klai sibrih matematika
pra sibrisu mas grandi.
Pra sibrisu ki ja dah saudi
kung tudu mulera kung alma,
ki falah di berdadi.
Asih beng prendeh kung yo:
skizbi sa figura chuma osra, chuma letra inggres o.
Eli sa jemelu kapoti, pun teng figura di po.
Na bos sa lembransa, bos ta falah:
and so...
And so nothing.
Nteh nada mas.
Skizbi kereh drumih.
Skizbi ngka gostah kung akeli jenti ta impeh na tras
di lona di fuzimera, ta prepresta prendeh Kristang
pra prendeh klai fikah mundu sa ladrang
mbes. Ki bolotu ta furtah?
Skizbi sa rostu kung korsang.
Mas bolotu mistih teng fortidang.
Ngua dia, skizbi logu kontah fikah
Vahang.
No posts