Yo lambeh bong-bong,
nadi mudreh,
nadi tokah onsong.
Kenti kung kuzedu;
yo nggeh yo sa alma sempri kosong.
Kora kortah dos?
Nadi.
Nggeh.
Yo kereh isti albi kriseh altu kung duru.
Yo kereh eli sa seiva kai chua
pra tudu.
Ngua nozu saodi pra chupah,
pra yo, isti presizu.
Ngua pukadu di leti.
Ngua bida seng duensa;
ngua kaska ki podih aguentah tudu sorti di gera.
Ngua bodru ki nggeng podih kruzah;
ngua lugah undi podih fuzih na sumana santa.
Ngua kampu largadu undi tudu podih sunyah.
Nang falah.
Nang gritah.
Ta sperah albi di bida,
ngua floris mas famosa
di tudu jenti ja bibeh na alabanda.
Ngua stori, ngua skritura logu tokah
na paredi sa riba brangku kung limpu pintah.
Jenti ketapang sa sabrozu mbes
kora olotu, mbes pra mbes,
rabentah.