Strela-strela ta chomah
kung bos. Pun ta churah
di tudu ki nus
ja pedreh. Tudu di keng bos
ja fuzeh; kauzu bos nteh
nada sorti di gabadisa.
Yo inda ta santah na fora buskah berdadi:
buskah sol beng sai. Buskah chegadas di chuwa—
bos nenang birah.
Bos nenang desah kung yo falah
ki ja pasah, na akeli dia-dia na pasadu undi bos ja tokah trumentezah.
Maski yo ngka kontador teng asenu, yo sertu Kabesa
podih intindeh ki ta susudeh na bos, kung tudu otru jenti sa mulera.
Yo logu bai na tera otru-otru, bai nali bai kantah
di ngua stranjeru; di jenti-jenti di Liang ja tokah achah mutu tantu sombra
na olotu sa bofri. Na olotu sa bariga.
Klai podih sigih, kontu misti suspirah
di isti ar. Di isti bafu di ladrang. Di mintira.
Pra seti anu yo ja insinyah
linggu di yo sa dizaboh-dizboh. Linggu di yo sa kaza.
Agora, kora strela kung lunga ta diseh
yo lembrah yo mistih prendeh impoku palabra nubu mas.