The reason death sticks so closely to life isn't biological necessity; it's envy. Life is so beautiful that death has fallen in love with it, a jealous, possessive love that grabs at what it can.
— Yann Martel, Life of Pi (2012)
Seng bida, seng tempu, justu pedreh tudu:
ngua kalsang, dos gelang, trinta-ngua dia pertu
di fikah ngua mes, ngua lunga onsong;
ngua kantiga ki nggeng sabeh tudu palabra bong.
Bomong palabra teng, bomong denti:
bomong trigera ta andah-andah na isti lugah; seng drumih
kung ngua korsang inchidu di poesia, mistih
gatinyah bai praya, kauzu isti ila logu kumih jenti.
Desah prendeh klai bai labeh na mar.
Strela pun ngka lonzi. Maski yo sertu inda
impodih olah olotu, na dianti
di isti boka di ireidi, impoku mutu tantu mas grandi
di viziansa sa stiru, di aguentah kontrah angkoza
mutu tantu jiganti.
Barku di mundu ta labeh pra sempri.
Yo pun, mistih pegah unya pra konstrah eli
seng fing, seng drumih, seng denti.
Infernu ta chomah kung tudu ja naseh di padri.