Enkiridiyang
Asih, kaminyu di via hierosa
ngka komesah kung adra;
eli sa fugang numistih desah
ngua alkandra ki tudu podih
prendeh di klai insinyah
kung otru kuriozera-kuriozerang.
Dalih rabana sa nomi nubu.
Dalih brengbreng pra kauzu
di ngua nasang sa nasimintu.
Di ngua jarding belu sa suminti fing sagradu.
Asih, manchua-manchua ja fazeh lesti,
mas undi-undi tudu nteh jenti
kereh labeh mar kung matra pra sempri.
Desah ngua porta ki tudu podih rintah seng lagri?
Yo sa mang lagreza
ta gatinyah dador di peu, kung tigri-tigri
ta andah bagah-bagah. Isti sintidu memang sertu
ngka beng di yo.
Beng di bos, ke tudu kaza frai
ki tudu sabeh, pra rintah, mistih bai
pa diabu sa praya.
Isti infernu? Seng ke ngka?
Yo inda ta sperah
repostu. Maski
yo ngka sabeh preguntu. Ngka sabeh
ki yo ta prubah.
No posts