Di ketiak, ke brasu?
Yo ngka sabeh;
mas justu ki podih kuniseh ki
ngua bes mas, isti furiyada machu ta skribeh
di eli sa korpu.
Eli sa mang.
Eli sa forsa di alma, eli kadangua fortidang.
Keng-keng tudu ta konfiah kung ladrang.
keng-keng tudu kereh detah na eli sa chang
bai les, bai kantah.
Bai prendeh klai santah
gantong, na riba di isti malisozu sa skuridang;
yo impodih asedeh ki eli ta fikah
ngua lumi, ngua … eh, klai falah akeli palabra?
Ngua maneseh tamanyu di kustumi seng ardansa.
Kal sorti di linggu kebradu eli ta insinyah?
Yo mistih bai banda otru, bai kung jenti mas rostu papiah:
yo teng impoku trabalu.
Yo nadi podih skiseh.
Sempri ta lembrah di
klai cherah—pestia ke adreh?
Kauzu eli chomah kung onsong omimerliang.
Sertu ke pesi impodih fikah
neches.
Impodih kemah yo sa sol di rentu.
Brasu ke ketiak, dos-dos numistih signifikah
bemfetu.